Нұр-Сұлтанда жантүршігерлік жол апаты орын алды

Әлеуметтік желілерде Нұр-Сұлтан қаласында  орын алған жантүршігерлік жол апатының суреттері таралып кетті - деп хабарлайды "Opennews.kz" ақпарат агенттігі.

Жол-көлік оқиғасына қатысты ақпарат Astanovka98 Telegram арнасында пайда болды. Автор оқыс оқиға Сарайшық көшесінің бойындағы көпірде болғанын айтады.

Нұр-Сұлтан қалалық полиция департаменті "30 қыркүйек күні сағат 00:34 шамасында Toyota Camry көлігінің 19 жастағы жүргізушісі Есіл өзені арқылы өтетін көпірден Сарайшық көшесіне қарай кетіп бара жатқан. Жылдамдық режимін сақтамаған ол рөлге ие бола алмай, жолдың қарама-қарсы жолағына шығып кеткен. Осылайша, 28 жастағы жүргізушісі басқарған Nexıa Ravon автокөлігімен соқтығысқан -дейді.

Жол апаты салдарынан бес адам қайтыс болып, бір адам зардап шекті. Дәлірек айтқанда, екі жүргізуші мен үш жолаушы оқиға орнында тіл тартпай кетті.