Семей әкімінің орынбасары мұғалімдерді көше сыпыруға мәжбүрлемегенін мәлімдеді

576
Семей қаласы әкімінің орынбасары Дмитрий Гариков мұғалімдерді көше сыпыруға мәжбүрлемегенін мәлімдеді, деп хабарлайды Opennews.kz ақпарат агенттігі

Семей қаласы әкімінің орынбасары Димитрий Гариков журналистерге берген мәліметі бойынша дау туғызған тазалық жұмыстары 16 қазанда өткізілген және оған қаладағы барлық мектептер қатысқан.

"Құжатта оқу жұмыстарын тоқтату немесе мүлдем болдырмау туралы нұсқаулар берілген жоқ. Шынында да, бір мектепте директор демалыста болып, оның орнына орынбасар
ы шешім қабылдаған. Сенбілік туралы хат меншік нысанына қарамастан барлық ұйымдарға жіберілді. Өйткені мұндай шараларды өткізу кезінде барлық жерде солай жасалады. Келуді міндеттейтін және бұл күні сабақ өткізбеу туралы сөз болған жоқ. Сабақтар тоқтатылған жоқ, онлайн режимінде толық жүргізілді", - деді Гариков.
ҚР Білім және ғылым министрі Асхат Аймағамбетов аталған фактіге орай тексеріс жүріп жатқандығын айтты.