Елордалық тұрғын анасын балағаттағаны үшін 5 тәулікке қамалды
244
Елордада 31 жастағы жігіт анасын балағаттап, айғай-шу шығарғаны үшін 5 тәулікке қамауға алынды- деп хабарлайды Opennews.kz ақпарат агенттігі.«Полицияның «102» арнасына елорда тұрғынынан ұлының айғай-шу шығарып, балағаттағанына байланысты шақырту түсті. Қорқып қалған 64 жастағы әйел полиция шақырды. Аталған факті бойынша Есіл аудандық полиция басқармасының учаскелік полициясы 31 жастағы жанжалқойды ұстап, уақытша оқшаулау бөлмесіне қамады.
Ведомство мәліметінше, Нұр-Сұлтан қалалық мамандандырылған әкімшілік сотының шешімен аталған жігіт 5 тәулікке әкімшілік қамауға алынды. Сонымен қатар сот зәбір көрген әйелді 30 тәулікке қорғауға алу туралы ұйғарым шығарды.
