Дубай шейхы үйден қашып кеткен келіншегіне 730 миллион доллар өтемақы төлейді
400
Біріккен Араб әмірліктерінің премьер-министрі, Дубай шейхы, миллиардер Мұхаммед бен Рашид әл Мактум бір жыл бұрын үйден екі баласын алып қашып кеткен әйеліне қомақты қаржы төлейтін болды,- деп хабарлайды Opennews.kz ақпарат агенттігі Экспресс К сайтына сілтеме жасап.
Бұл ақша оның әйелі мен екі баласының тұрмыс-тіршілігіне берілмек.
ТАСС агенттігінің мәліметінше, отбасылық мәселеге байланысты бұл рекордтық өтемақы саналып отыр. Енді 72 жастағы Дубай әміршісі алтыншы әйелі Хайяға 330 миллион долларды өтемақы ретінде аударуға және балаларды күтіп-бағуға деп тағы 385 миллион доллар беруге міндетті. Сонымен қатар балаларының қауіпсіздігі үшін тағы өмір бойына 7,3 миллион доллар төлеуі тиіс.
Еске салайық, вице-министр әйелі осыдан біраз уақыт бұрын өзінің жеке қорғаушысымен көңіл қосып, күйеуінің көзіне 2 жыл бойына шөп салғаны белгілі болды. Кейін күйеуінің ашуынан қорқып Лондонға қашты. Енді Ұлыбритания соты келіншектің құқын қорғау үшін осындай үкім шығарып отыр.
