Алдағы күндері елімізде ауа райы суытып, 32 градусқа дейін аяз болады
481
"Қазгидромет" мамандары 28-30 желтоқсан аралығында ел аумағында ауа райы қандай болатынын айтты,- деп хабарлайды Opennews.kz ақпарат агенттігі.
Алғашқы күндері Солтүстік-батыс циклоны елдің солтүстігіне, солтүстік-батысына және шығысына әсер етеді.
Салдарынан қар жауып, боран соғып, жел күшейеді.
Бұдан кейін суық ауа массаларының басып кіруінен республиканың басым бөлігінде жауын-шашын тоқтап, ауа температурасы төмендейді.
Тек шығыс пен оңтүстік-шығыста ғана құбылмалы ауа райы сақталады. Термометр бағаны түнгі уақытта республиканың солтүстік жартысында 25-32 градус аязға дейін, орталықта 15-25 градусқа дейін, оңтүстік және шығыс өңірлерде 10-18 градусқа дейін төмендейді.
