Қазалыда бес жасар сәби каналға құлап көз жұмды

Қызылорда облысына қарасты Қазалы ауданында абайсызда каналға құлаған бес жасар сәби көз жұмды, - деп хабарлайды Opennews.kz ақпарат агенттігі.

 Оқиға 4 мамыр күні сағат 22.15 шамасында Қазалы ауданының орталығы Әйтеке би кентінде орын алған. 2017 жылғы сәби «Ақарық» каналына абайсызда құлап кетіп, оқиға орнында көз жұмған. 

«Бұл жөнінде Төтенше жағдайлар департаментіне ақпарат келіп түсті. Мәйіт жергілікті тұрғындар күшімен судан шығарылды. Каналдың ені - 3, тереңдігі - 1 метр. Оған департаменттен бір қызметкер қатысты», - деп мәлім етті облыстық төтенше жағдайлар департаменті.