Атырауда әйелімен ажырасқаннан кейін ер адам үйлерін трактормен күреп тастаған
304
Атырауда ерлі-зайыптылар ажырасқаннан кейін, күйеуі үйлерін трактормен күреп тастапты. Бұл туралы журналист Диас Нұрақын Facebook парақшасына жариялады, деп хабарлайды Opennews.kz ақпарат агенттігі Адырна ұлттық порталы.“Атырауда оншақты жыл отасқан ерлі-зайыпты ажырасыпты. Сот заңды түрде екеуін екі жаққа жіберіп, мал-мүлкін бөліске салған. Сондықтан екеуі бірге тұрған үйді сатып, ақшасын теңдей бөлуі керек еді. Бірақ бұған көнбеген бұрынғы күйеуі жынданып, трактормен үйлерін күреп тастапты. Маған да саған да жоқ деп жасаған тірлігі екен. Ұядай үйін бала-шағасынан қызғанған ғой. Енді екі баласын жетектеген жалғызбасты ана тентіреп қалған. Қираған қарашаңырағын тек қоршаудың сыртынан ғана бақылап жүр”,- деп жазылған.
