Нұр-Сұлтанның сол жағалауында ірі өрт болды
335
Нұр-Сұлтан қаласының сол жағалауында қураған ағаштар өртенді. Тілсіз жауды сөндіруге 30 адам қатысқан деп хабарлайды қалалық төтенше жағдайлар департаменті Instagram парақшасында.
Өрт сөндірушілер шақырту орнына 21:19-да аттанған. Өртті сөндіруге жеке құрамнан 30 адам, 6 техника, сондай-ақ қала әкімдігінің су шашатын 4 көлігі жұмылдырылған.
Өртті сөндіруге қатты жел кедергі келтірген. Дегенмен тілсіз жау 22:16-да ауыздықталып, 23.03-де толық сөндірілген.
Алдын ала ақпарат бойынша өрт 2 гектар аумақты шарпыған. Қайтыс болғандар мен зардап шеккендер жоқ.
