Жас әкелер мен студенттерге неге әскерге шақыру қағазы келеді: Қорғаныс министрі жауап берді

20 маусым 2022, 14:56

403

Қорғаныс министрлігі Қорғаныс министрі Руслан Жақсылықов парламент отырысында жас әкелер мен студенттерге неге әскерге шақыру қағаздары келіп жатқанын түсіндірді, деп хабарлайды Opennews.kz ақпарат агенттігі KAZ.NUR.KZ сайтына сілтеме жасап.

Қорғаныс министрі 18 жастан бастап кез-келген азамат әскери борышын орындауға міндетті деп мәлімдеді. Алайда бұл міндеттелмейтін жағдайлар бар. Әскери борышын өтеу мерзімін кейінге қалдыру шешімін жергілікті әскери комиссариат қабылдайды.

"Бізде жастардың жасырынып, қашуы өте көп кездеседі. Кешіріңіз, бірақ заңды орындау керек", - деді министр.

Руслан Жақсылықов оқуға түскені туралы құжатын жергілікті әскери басқару органдарына уақытында бермесе студенттің атына әскерге шақырту қағазы келуі мүмкін екенін жоққа шығармады. Бұл жас әкелерге де қатысты, дейді ол.

"Егер сізде әскери борышыңызды өтеуді кейінге қалдыруға құқығыңыз болса, балалы болғаныңыз туралы құжат беріңіз. Тиісінше, сіздің мерзіміңіз кейінге шегеріледі. Егер сіз университетке түссеңіз, әскери борышыңызды өтеу кейінге қалдырылады. Тек жергілікті әскери басқару органына құжаттарды уақытылы тапсырыңыз. Сонда әскерге шақыру қағазы келмейді. Ал біз тығыла бастаймыз. Не үшін?", - деп жауап берді Руслан Жақсылықов.

Сонымен қатар Жақсылықов шақыру беру кезінде де заңбұзушылық фактісі болуы мүмкін екенін жоққа шығармады. Дегенмен ол әрбір жағдай жеке-жеке тексерілетінін атап өтті.