RUB (+0.03) 7.96 KZT
USD (-1.36) 476.62 KZT
EUR (-3.40) 485.53 KZT
Қоғам
48

Қостанай облысында теміржол өткеліндегі апаттан екі адам көз жұмды

Қостанай облысында теміржол өткелінде жол апаты болды, деп хабарлайды Ulysmedia.kz.

"Қазақстан темір жолы" АҚ баспасөз қызметінің мәліметінше, 11 шілдеде сағат 14.35-те Қостанай облысының Тобыл-Құсмұрын учаскесіндегі Тобыл станциясының теміржол өткелінде жол апаты болған.

Куәгерлердің айтуынша, "Жигули" автокөлігінің жүргізушісі алдында тұрған көліктерді айналып өтіп, келе жатқан жүк пойызының алдына, теміржолға шығып кеткен.
"Алау" порталының мәліметінше, жол апаты салдарынан жүргізуші мен 40 жастағы жолаушы оқиға орнында қаза болған.
Пойыз сағатына 57 шақырым жылдамдықпен келе жатқан.
"Қазақстан темір жолы" ҰК" АҚ-да оқиғаның себептері мен мән-жайын тексеру үшін комиссия құрылған.