Қызылордалық кәсіпкерлер облыс әкімдігіне шағымдарын жеткізді

Облыс әкімі Нұрлыбек Нәлібаевқа кәсіп иелері қолдау жоқтығын жеткізді, - деп хабарлайды  Opennews.kz ақпарат агенттігі.  

Бүгін Қызылордада «Қазақстанның үздік тауарлары - 2022» өңірлік көрме-байқауы өтті. Аталмыш іс-шараны облыстық кәсіпкерлік және туризм басқармасы мен Кәсіпкерлер палатасы ұйымдастырды.
Облыс және қала әкімінің қатысуымен өткен жәрмеңкеде өңірлік кәсіп иелері түрлі тауарлар мен өнімдерді ұсынған болатын. Атап айтқанда, нан және ет, сүт пен күріш өнімдері,  былғары аяқ киімдер мен көрпе төсек, тіпті химиялық және құрылыс тауарлары мен үй жиһаздары да  біздің аймақта өндіріледі екен.

Биылғы жылы көрмеге 60 - тан астам тауарөндіруші қатысқан. Алайда, кәсіп иесі болып, халықпен жұмыс жасау үшін үлкен күш жігер мен қатар үкімет тарапынан сүймелдеу болып жатырса нұр үстіне нұр болар еді. Кәсіп ашып, шәкірт тәрбиелеп отырған «Бақыткүл» ЖК бүгінгі күні Кілем тігу және қолөнер  бұйымдарын өндірушісі Қармақшы ауданынан ат терлетіп келген. Кәсіпкердің айтуынша, 5 жыл бұрын серіктестікпен алынған ғимарат апаттық деп танылған екен, жоқтан жақсы деп күнелткен кәсіп иесі ғимарат аудан әкімдігі тарапынан берілгендігін жеткізді.

«Ғимаратты алғаныма 5 жыл болды. Алайды сол кездері апатты деп танылған екен. Сонда да берген үкімет. Енді қазір иненің ұшында отырмыз. Қай күні қай жері құлайды деп. Облыс әкімдігіне осы мәселені жеткіздім, шешімін табуға көмек береміз деді. Енді уәденің орындалуын күтемін»,- деді «Аңсаған» мүмкіндігі шектеулі балалар қоғамдық бірлестігінің төрайымы Райымбаева Бақыткүл.

Сонымен қатар нан өнімін өндірушілердің бірі облыс әкімі Нұрлыбек Нәлібаевқа наразылық білдірген болатын. Ұн бағасының қымбаттағандығын алға тартқан кәсіп иесі бір қапты 13 500 теңгеден алатындығын жеткізді.

«Біздің өнімді облыс әкімі қымбат екен дейді. Алайда, біз халықтың сұранысын қанағаттандырып отырмыз. Қазіргі күні ұн қымбат, қант бағасы да арзан емес. Ал, жергілікті билік ұсынып отырған әлеуметтік ұндардың сапасы өте төмен, оны халық тұтынбайды. Мен арзанға жүгіріп, сападан айырылып қаламын. Оның үстіне пайдадан шығын өте көп» ,- дейді «Хан» нан өнімдерінің кәсіп иесі Әмірхан Руслан.

Әлеуметтік тауарлардың сапасына шағым білдірушілер де жетерлік. Алайда кәсіп иесіне әкімдік тарапынан көмек беріледі. Мәселеңізді шешейік деген аймақ басшысы қолдау көрсететіндігін жеткізді.