Жетісу облысында 6 жастағы бала трактор тіркемесінің астына түсіп мерт болды
248
Қайғылы оқиға Алакөл ауданы Үшарал қаласында болды, деп хабарлайды Экспресс К Алматы облысы ПД-нің баспасөз қызметіне сілтеме жасап.
Полиция мән-жайды анықтай келе тракторды 50 жастағы ер адам басқарғаны белгілі болды. Ол бала тұратын үйге шөп түсірмек болған. Әкесі жылқы саууға кетіп, аулада қараусыз қалған бүлдіршін трактор тіркемесінің астында қалған.
Қазіргі уақытта ҚК-тің 104-бабы 1-бөлігіне (Абайсызда адам өліміне әкеп соғу) сәйкес қылмыстық іс қозғалды. Аталған дерек бойынша қажетті сараптамалар тағайындалды,— деді полиция департаментіндегілер.
