RUB (-0.03) 8.24 KZT
USD (+1.53) 478.9 KZT
EUR (-0.40) 459.98 KZT
Қоғам
112

Нұрсұлтан Назарбаев күзде өтетін сайлауға қатысуы мүмкін бе – Вице-министр жауап берді

Қазақстанның тұңғыш президенті Нұрсұлтан Назарбаев күзде өтетін кезектен тыс президенттік сайлауға қатыса алмайды, деп хабарлайды Opennews.kz ақпарат агенттігі Stan.kz ақпарат агенттігіне сілтеме жасап.



Бұл туралы Парламент отырысында Әділет вице-министрі Алма Мұқанова мәлімдеді.

Ол маусымда өткен референдумда қазақстандықтардың Конституцияға бірінші президенттің мүмкіндіктерін шектейтін түзетулер енгізуге дауыс бергенін еске салды.

"Қабылданған түзетулер бірінші президентке қатарынан екі реттен артық президент болып сайлану талабы қолданылмайды деген норманы алып тастады", - деп түсіндірді Алма Мұқанова.

Еске салайық, 2022 жылдың 1 қыркүйегінде Қазақстан халқына жолдауы аясында президент Қасым-Жомарт Тоқаев күзде кезектен тыс сайлау өткізуді ұсынған.

Айта кетейік, қаңтар оқиғасы кезінде Нұрсұлтан Назарбаев билікке ықпалы күшті Қауіпсіздік кеңесінің өмір бойғы төрағасы қызметінен айырылған. Кейін заңнан елдің сыртқы және ішкі саясатына қатысты мәселелер бойынша Назарбаевтың келісімін алу керек деген талап алып тасталды. Назарбаев пен оның отбасы бұрынғы құдыретінен біртіндеп айырыла бастады, туған-туысы лауазымды қызметтерінен түсті, кейбірі тұтқындалды. Маусым айындағы Конституцияға енген өзгерістерден кейін бірінші президентке берілген артықшылықтың бәрі алынып тасталды.