RUB (-0.04) 7.66 KZT
USD (-0.45) 468.45 KZT
EUR (+3.42) 489.06 KZT
Қоғам
115

«50 млн теңге аударамыз»: Өрт кезінде концерт ұйымдастырғандар ел алдында ақталды

«Kostanay Music Fest» музыка фестивалінің ұйымдастырушылары өрт кезінде өткен концерт туралы түсініктеме берді, деп хабарлайды  Opennews.kz ақпарат агенттігі Адырна сайтына сілтеме жасап.


«Бұл концерт жеке қаражат есебінен ұйымдастырылды. Қостанайдағы әртістердің өнерін тамашалауға Қазақстанның көптеген қаласынан мыңдаған жас келді. Бір айда 16 000 билет сатылды. Біз тек шара басталар кезде ғана өрттің өршігенін және бір адамның қайтыс болғанын білдік. Ал бұл уақытта көрермендердің барлығы стадион алдында тұрды. Концертті тоқтатуға мүмкіндік болмады. Басынан-ақ түскен қаржыны толықтай қайырымдылыққа аударамыз деп жоспарлаған едік. Сол себепті зардап шеккендерге концерттен түскен ақшаны аударамыз, яғни 50 миллион теңге осы табиғи апаттан қиын жағдайға тап болған адамдарға көмек ретінде беріледі»,—деді аталған шараны ұйымдастырушылардың бірі Алмас Жәли.