ШҚО-да көлігімен жылқыны соққан жүргізуші оқиға орнында көз жұмды
164
ШҚО-да көлігімен жылқыны соққан жүргізуші көз жұмды, деп хабарлайды Opennews.kz ақпарат агенттігі Polisia.kz ке сілтеме жасап.
Жол апаты 11 қыркүйек сағат 02:44 шамасында Ұлан ауданы Айыртау ауылының маңында болды. 42 жастағы Lada Granta жүргізушісі көлігімен жылқыны соғып кеткен.
Салдарынан жүргізуші оқиға орнында көз жұмған. Ал көлікте болған жолаушы түрлі дене жарақатымен медициналық мекемеге жеткізілген. Аталған факті бойынша Қылмыстық кодекстің 345-бабы 3-бөлігі бойынша ("Көлік құралдарын басқаратын адамдардың абайсызда адам өліміне әкеп соққан жол жүрісі қағидаларын бұзуы") бойынша сотқа дейінгі тергеу басталды. Қазіргі уақытта сотқа дейінгі тергеу жүргізіліп жатыр.
