RUB (+0.18) 8.21 KZT
USD (-1.87) 479.42 KZT
EUR (-6.40) 467.91 KZT
Қоғам
288

Қызылордада тегін палау үшін жұрт бір-бірімен төбелесіп қалды

Қызылордада қала күніне орай тегін палау тарату шарасы жиналған көпшіліктің дау-жанжалы және төбелесіне ұласты,- деп хабарлайды Opennews.kz ақпарат агенттігі Stan.kz ақпарат агенттігіне сілтеме жасап.




Тіпті, халықтың арасында тамақ әзірлеген аспазшылар жарақат алған .Өңірдегі ең ірі күріш өсіруші – "Абай Дәулет" ЖШС қала күніне орай облыс әкімдігінің жанындағы Сыр ана алаңында палау конкурсын өткізді.

Ұйымдастырушы 2 тонна ет, 1 тонна күріш, 1 тонна сәбіз, 500 келі пияз және жүздеген литр май берді. Тағамды тек жергілікті ғана емес, сонымен қатар басқа қалалардан келген аспаздар да дайындады, тіпті Өзбекстаннан келген қатысушылар да болды.


Үстелдер мен металл қоршаулармен қоршалған екі алаңда 40 қазандық болды. Периметр бойынша полиция мен ұлттық гвардияшылар тұрды. Тәртіп сақшыларының алдын ала орналастыру ұйымдастырушылардың ең дұрыс шешімі болды. Себебі, олар болмаса, аспаздар әр учаскені қоршап алған халықтан қорғана алмас еді. Ересектер, қарттар, балалар палауы бар қазандықтарға жақын болу үшін бір-бірін итере түскен.


Қазылар алқасының мүшелері адамдардың арасынан әрең өтті. Журналистер бір кезде аспазшы әйелдің басынан шөмішпен ұрғанын айтады. Ол сахнаға әрең жетті. Оған жедел жәрдем шақырылды.


Палау пластикалық ыдысқа салынып, Сыр ана мұнарасының жанында орнатылған үстелдерде тамақтану үшін адамдарға таратылады деп жоспарланған болатын. Бірақ адамдар шыдамдылық пен сабырлық танытпады.


"Палауы бар пакеттер мен ыдыс-аяқтарды бере бастағанда, айқайлар басталды, бір жерде тегін тамақ үшін төбелес болды. Адамдар үстелдер мен қоршауларға шабуыл жасай бастады. Полицейлерге қосымша күш көмекке келді. Аспазшыларға полицей қыздар көмектесе бастады.

Осы арада концерт жүргізушісі микрофонға жоғалған балалардың ата-анасына іздеу салды. Барлығы жиырмаға жуық бала жоғалды
", - деп жазды журналистер.


Палауды таратуға бір сағаттан астам уақыт кетті. Осыдан кейін ғана көпшілік тынышталды. Біреулер палауды осы жерден жесе, енді біреулері өзімен бірге алып жүрді. Соған қарамастан шара аспаздарды марапаттау рәсімімен қорытындыланды.