RUB (-0.03) 8.24 KZT
USD (+1.53) 478.9 KZT
EUR (-0.40) 459.98 KZT
Қоғам
33

Бомба бар делінген Павлодар мектебінен 1 мыңнан астам оқушы эвакуацияланды

Павлодарда жарылғыш зат салынғаны туралы телефон хабарламасы келіп түсті, деп хабарлайды Opennews.kz ақпарат агенттігі.


Бүгін төтенше жағдай қызметіне «Академик Шөкин көшесі, 27 үй мекенжайында орналасқан Бауыржан Момышұлы атындағы жалпы орта мектебінде террористер бар» деген қоңырау түскен.
Оқиға орнынан 1048 оқушы мен 83 қызметкер эвакуацияланды. Жарылғыш зат табылған жоқ.


Павлодар облысы ПД бастығының бірінші орынбасары Жасқайрат Қайыровтың айтуынша, аталған факт бойынша Қылмыстық кодекстің 273-бабы бойынша іс қозғалған.


Еске сала кетейік, кеше де Павлодарда әлдекім «Катаев көшесіндегі 21-үйді жа рып жібереміз» деп хабарлаған болатын.
Ол «террористі» полиция қызметкерлері ұстаған.


Полиция терроризм актісі туралы көрінеу жалған хабарлау қылмыстық құқық бұзушылық болып табылатынын және қылмыстық жауаптылыққа әкеп соғатынын және 5 жылға дейінгі мерзімге бас бостандығынан айыруға жазаланатынын еске салады.