RUB (-0.04) 7.66 KZT
USD (-0.45) 468.45 KZT
EUR (+3.42) 489.06 KZT
Қоғам
401

Тергеу изоляторының бастығы 450 мың теңге пара алған

Ақтөбеде тергеу изоляторының басшысы сотталушыны камерадан казармаға ауыстырғаны үшін 450 мың теңге пара алған, -деп хабарлайды Opennews.kz ақпарат агенттігі. 



Ақтөбе қалалық №2 соты баспасөз қызметінің мәліметінше, сотпен биыл 7 қыркүйекте Ә. есімді азамат Ақтөбе облысы бойынша ҚАЖД КА-168/3 мекемесінің бастығы бола тұра, сотталушы Д.-ны жазасын өтеу үшін камералық үлгідегі үй-жайдан казармаға ауыстыру және болашақта жұмыспен қамтамасыз ету үшін 450 мың теңге ақша-қаражатын алғаны анықталған.

Сот отырысы кезінде сотталушы кінәсін толық мойындады.

Оған 3 жылға бас бостандығынан айыру жазасы тағайындалып, өмір бойы мемлекеттік қызметте жұмыс істеу құқығынан айырылды.

Сот үкімі заңды күшіне енген жоқ.