RUB (-0.04) 7.66 KZT
USD (-0.45) 468.45 KZT
EUR (+3.42) 489.06 KZT
Қоғам
90

59 жастағы әйел өз үйінде өлі табылды

Атырауда 59 жастағы әйел өз үйінде өлі табылды, - деп хабарлайды Opennews.kz ақпарат агенттігі.

Департамент мәліметінше, қылмыстық оқиға 19 қазанда таңғы сағат 07:45 шамасында болған.

«Атырау қаласының Өркен шағынауданында орналасқан жеке үйде әйелді буындырып өлтіріп кеткен. Жасы 59-да. Осы дерекке байланысты ҚР Қылмыстық кодексінің 99-бабы 2-бөлігімен сотқа дейінгі тергеу басталды», - делінген хабарламада.

Қазір полиция қызметкерлері адам өлтірген күдіктіні анықтау, ұстау үшін жедел-іздестіру іс-шарасын жүргізіп жатыр. Оған Полиция департаментінің жеке құрамы жұмылдырылды.

«Сотқа дейінгі тергеу амалдарын департаменттің жедел тергеу тобы жүргізіп жатыр. Сот-медициналық сараптама тағайындалды. Өзге ақпарат ҚР Қылмыстық-процестік кодексінің 201-бабына сәйкес жариялауға жатпайды», - деді ведомствоның баспасөз қызметінен.

Әлеуметтік желіде тараған ақпаратқа қарағанда, күдікті үйден алтын бұйымдарды, ақша мен өзге де заттарды ұрлап кеткен.