Қызылордада ішкі істер департаменті емханасының қызметкері қаза тапты

Қызылорда облысы Ішкі істер департаменті емханасының сыртқы жөндеу жұмыстары кезінде мекеме қызметкері зардап шекті, деп хабарлайды Opennews.kz ақпарат агенттігі. 


Әлеуметтік желіде Қызылорда облысы Ішкі істер департаменті емхана қызметкерінің басына темір құлап, қан жоғалтқан видеосы жарияланды. 
 
Бүгін 2 қарашада  Қызылорда қаласындағы Қорқыт ата көшесі №3 мекен-жайында орналасқан "Қызылорда облысы Ішкі істер департаменті емханасы" мекемесінің сыртқы жөндеу жұмыстары жүргізіліп жатқан кезінде шығып бара жатқан мекеме қызметкерінің басына құрылыс сатысының темірі құлағаны мәлім болды.  Жаралы болған қызметкер ауруханаға жеткізілді. Келіп жеткен дерек көзіне сүйенсек, зардап шегуші ауруханада көз жұмған.


Оқиғаның орын алуына себеп болған жайттар туралы мәлімет әзірге белгісіз.