Қаз
Рус
Бас мүфти "қара жұма" сөзін "жомарт жұма" деп өзгертуге шақырды
426
Бас мүфти Наурызбай қажы Тағанұлы көпшілік орындарында жазылған "қара жұма" сөзін "жомарт жұма" деп өзгертуге шақырды,- деп хабарлайды Opennews.kz ақпарат агенттігі.
"Кейінгі жылдары жұртты жаппай саудаға тартудың әдісі ретінде қолданылып жүрген "қара жұма" сөзі қоғамда талқыға түсуде. Дініміз бен дәстүрімізде бар "жұма" сөзі қасиетті, қастерлі ұғымды білдіреді. Мен осы ретте еліміздегі сауда орталықтарының иелері мен барша кәсіпкер азаматтарды "қара жұма" сөзін "жомарт жұма" деп өзгертуге шақырамын",- деді Бас мүфти үндеуінде.
Бас мүфти "жомарт жұма" – жүрекке жылы тиетін, халқымыздың ұғымына да сай келетін сөз екенін атап өтті.
"Мұсылман қауымы үшін жұма қасиетті күн болғандықтан, "қара жұманы" "жомарт жұма" деп өзгертсек, бұл – Ислам дінін ұстанатын халқымызға көрсетілген құрмет болмақ. Осылайша, кәсіпкер азаматтарымыз ізгі ниетінің нәтижесінде "жомарт жұма" акциясы аясында қаншама жанның алғысына бөленер еді", - деді Наурызбай қажы Тағанұлы.
