Отандық жас теннисшілер Қырғызстандағы турнирде үздік атанды
Қазақстандық жас теннисшілер Қырғызстанның Шолпан-Ата қаласында жасөспірімдер арасында өткен ITF Juniors J60 турнирінде топ жарды, - деп хабарлайды "Opennews.kz" ақпарат агенттігі.
Қазақстан теннис федерациясынан мәлім еткеніндей, жұптық сында Іңкәр Дүйсебай мен Дамир Қалдыбеков үздік шығып, чемпион атанды.
Іңкәр ресейлік Екатерина Ходжаевамен бірге финалда қазақстандықтар Әдемі Аманкелді - Сати Әубәкірованы ұтты - 6:2, 7:5.
Дамир ресейлік Макар Кривочехоапен бірге соңғы бәсекеде өзбекстандықтар Ильос Аброров - Бекзод Нематовты қапы қалдырды - 6:3, 3:6, 10:6.
Жекелей сында Жақас Қозыбақ финалға дейін жетіп, жарыстың үшінші ракеткасы, үндістандық Райан Кутхратқа жол берді - 5:7, 1:6.
Қыздар арасында Анастасия Крымкова титул үшін матчта Е.Ходжаевадан ұтылды - 1:6, 4:6.
