Словения қақпасына жалғыз голды салған футболшы марапатталды
2 554
Қазақстан құрамасының жартылай қорғаушысы Рамазан Оразов Еуро-2024 іріктеу аясында Словенияға қарсы өткен матчтың үздік ойыншысы атанды, - деп хабарлайды "Opennews.kz" ақпарат агенттігі.
Оразов алаңда кездесудің соңына дейін ойнап, қазақстандықтар сапындағы жалғыз голдың авторы атанды. Рамазанның марапат алған суретін Қазақстан футбол федерациясы Instagram-да жариялады.
Айта кетейік, Қазақстан құрамасы Еуро-2024-ке тікелей жолдама ала алмады. Магомед Адиев шәкірттері шешуші ойында Словениядан ұтылды – 2:1.
Енді құрамамыз жолдамаға наурызда өтетін Ұлттар лигасы арқылы таласады. Қарсыласымыз – Грекия құрамасы.
