Мұхаммедсабыр Базарбайұлы да ширек финалдан аса алмады
2 523
Франция астанасы Париж қаласында өтіп жатқан Олимпиада ойындарында бокстан ерлер арасында Мұхаммедсабыр Базарбайұлы ширек финалдағы айқасында төрешілер шешімімен жеңіліс тапты, - деп хабарлайды "Opennews.kz" ақпарат агенттігі.
63,5 келіге дейінгі салмақта сынға түскен отандасымыз 1/4 финалда Грузия боксшысы Лаша Гурулимен қолғап түйістірген болатын. Аса тартысты өткен кездесуде қарсыласының қос қабағын жарып, қан-жоса етті. Алайда төрешілер жеңісті қарсыласына берді.
Естеріңізге сала кетейік, осыған дейін 92 келіге дейінгі салмақта сынға түскен Айбек Оралбай Әзербайжан боксшысы Лорен Берто Альфонсо Домингестен ұтылып, Париж Олимпиадасын жүлдесіз аяқтады.
