Валерий Рахымжан Германиядағы әлем кубогында күміс медаль жеңіп алды
2 457
Қазақстандық мерген Валерий Рахымжан Мюнхенде өтіп жатқан нысана көздеуден Әлем кубогының кезеңінде күміс жүлдеге ие болды,- деп хабарлайды "Opennews.kz" ақпарат агенттігі.
Рахымжан 10 метрге пневматикалық тапаншамен ату жарысында ел намысын сәтті қорғады. Ол финалда 241.9 ұпай жинап, екінші орынды иеленді.Аталған бағдарлама түрі бойынша әлем кубогының жеңімпазы – қытайлық Ху Кай (242.3 ұпай). Үшінші орын неміс спортшысы Кристиан Рейтцке бұйырды (220.8 ұпай). Валерий Рахымжан іріктеу кезеңінде алтыншы орын алып, финалға шыққан болатын.
