"Егіздің сыңары"
281
Синхронды жүзуден Қазақстан командасының мүшесі, Токио Олимпиадасында Қазақстан намысын қорғаған Екатерина Немич тұрмысқа шықты. Бұл туралы Екатеринаның сыңары Александра Немич әлеуметтік желідегі парақшасында мәлімдеді.
Екатерина Немичтің таңдауы Илья есімді азаматқа түскен. Сондай-ақ, Александра Немич те өзінің сүйіктісін көпшілікке таныстырды. Ол каноэ мен байдаркада есуден Қазақстан командасының мүшесі Илья Голендовпен түскен суретін жариялады.
Айта кетелік, Екатерина және Александра Немичтер синхронды жүзуден жұптасып өнер көрсетеді. Олар 2016 жылғы Рио және 2020 жылғы Токио Олимиадаларында Қазақстан атынан сынға түсті.
