Қаз
Рус
"Қайрат" "Реалмен" өтетін матчтың билеттерінің сатылымына қатысты мәлімдеме жасады
2 275
"Қайрат" футбол клубының баспасөз қызметі алдағы "Реалға" қарсы ойынға билеттер түгел сатылып кеткенін мәлімдеді, - деп хабарлайды "Opennews.kz" ақпарат агенттігі.
УЕФА Чемпиондар лигасының жалпы кезеңіндегі матч 30 қыркүйек күні сағат 21:45-те Орталық стадионда өтеді.
"Стадион аумағына 18:45-тен бастап кірсе болады, яғни ойын басталардан үш сағат бұрын ашылады. Жанкүйерлерге тексеруден еркін өтіп, кезекте тұрмау үшін алдын ала келіңіздер дейміз. Стадионға үш жақтан, Абай даңғылы, Сәтбаев көшесі, Байтұрсынов көшесі жағынан кіре аласыздар.
Freedom SuperApp арқылы сатып алынған билет матч күні көрсетілген электрондық поштаға жіберіледі. Ал Qairat SuperApp мобильді қосымшасында шын QR-код ойынға бірнеше сағат қалғанда ғана пайда болады", - делінген баспасөз қызметінің хабарламасында.
Freedom SuperApp арқылы сатып алынған билет матч күні көрсетілген электрондық поштаға жіберіледі. Ал Qairat SuperApp мобильді қосымшасында шын QR-код ойынға бірнеше сағат қалғанда ғана пайда болады", - делінген баспасөз қызметінің хабарламасында.
Қазақстанда "Қайрат" пен "Реал" арасындағы ойынға билеттер сатылымы ресми түрде басталғаннан кейін интернет қолданушылары билеттерді сатып алу үшін ұзын-сонар кезекке тұрған болатын.
Ал "Қайраттың" бас бапкері Рафаэль Уразбахтин "Реал Мадридке" қарсы матч алдындағы дүрбелең өзіне де сезіліп жатқанын жеткізген еді. Оның айтуынша, билет сұрап хабарласатындар көп.
