Қыздар мергендігі: Қазақстан құрамасы әлем чемпионатында үздік үштікке енді

Қазақстан әйелдер құрамасы Каирде өтіп жатқан нысана көздеуден әлем чемпионатында командалық есепте қола медаль жеңіп алды, - деп хабарлайды "Opennews.kz" ақпарат агенттігі.

Жарыс винтовка және тапаншадан 50 метр қашықтыққа үш қалыпта ату бағдарламасы бойынша өтті. Қазақстан құрамасының намысын Александра Ле, Елизавета Безрукова және Арина Малиновская қорғады.

Әлем чемпионаты Халықаралық нысана көздеу федерациясының (ISSF) ұйымдастыруымен Мысырдың Каир қаласында өтуде. Жарыс 18 қарашаға дейін жалғасады.

Биылғы додаға 71 елден 697 спортшы қатысуда. Қазақстан сапында ұлттық рейтинг пен республикалық жарыстардың нәтижелері бойынша іріктелген елдің үздік 15 мергені сынға түсіп жатыр.