ChatGPT-мен дайындалған спортшы олимпиада жүлдегері атанған

Украиналық паралимпиадашы ChatGPT-мен дайындалып, Олимпиада жүлдегері атанды,- деп хабарлайды Opennews.kz ақпараттық агенттігі smartnews.kz сайтына сілтеме жасап.

Украиналық биатлоншы Максим Мурашковский Паралимпиада-2026 ойындарында жеңіп алған күміс медалінің артында ерекше дайындық әдісі тұрғанын мәлімдеген. Спортшы жаттығу барысында жасанды интеллектті белсенді пайдаланғанын айтқан. РБК-Украина басылымының хабарлауынша, көру қабілеті бұзылған спортшылар арасындағы биатлонның жеке жарысында екінші орын алған 25 жастағы атлет соңғы алты айда дайындық процесіне ChatGPT чат-ботын енгізген. 

Мурашковскийдің айтуынша, жасанды интеллект бірнеше маманның қызметін қатар атқарған. Нейрожүйе жаттығу жоспарының жартысынан астамын құруға көмектесіп, тактикалық кеңестер беріп, сонымен қатар психологиялық қолдау көрсеткен. Спортшы технологияны тек спортта ғана емес, білім алу үшін де пайдаланатынын айтқан. Жасанды интеллект тіл үйренуге, химия мен биология саласындағы ғылыми жобалармен айналысуға көмектескен. Мурашковскийдің пікірінше, нейрожүйелер кәсіби спорттағы дайындық тәсілдерін түбегейлі өзгертуі мүмкін.