Қазақстан бокс құрамасының капитаны тағайындалды

395

Қазақстан бокс құрамасы Белградта өтетін әлем чемпионатына аттанбақшы. Құраманың капитаны тағайындалды және спортшылар ресми түрде ант берді- деп хабарлайды Opennews.kz ақпарат агенттігі Қазақстан бокс федерациясына сілтеме жасап. 

Қазақстан құрамасының капитаны ретінде екі Олимпиада ойындарының қатысушысы Абылайхан Жүсіпов болды. 

Әлем чемпионатына барлығы 13 боксшы іріктелінген.

Команда құрамындағы өзгерістерден бөлек, жаттықтырушылар штабы да өзгерген. Мәселен, Нүркен Андасов құраманың аға жаттықтырушысы болып тағайындалды. Ғани Ашкеев, Талғат Жалпеков, Мақсат Бақтыбазаров, Асқар Еркебаев, Александр Насибуллин, Нұржан Насанов штаттық жаттықтырушы болды. 


Әлем чемпионатының жүлде қоры 2,6 млн АҚШ долларына тең. Жеңімпаздар 100 мың доллар, күміс жүлдегерлер 50 мың доллар, қола жүлдегерлер 25 мың доллар алады. 

Бокстан ерлер арасындағы чемпионат 24 қазаннан 6 қарашаға дейін болады.