Бүгін бокстан әлем чемпионатында жартылай финал ойындары өтеді
288
Белград қаласында өтіп жатқан бокстан әлем чемпионатында жартылай финалда бес қазақстандық шаршы алаңға шығады- деп хабарлайды Opennews.kz ақпарат агенттігі.Күндізгі сессияда Теміртас Жүсіпов (48 келі) беларус Евгений Кармильчикпен кездессе, Махмуд Сабырхан (54 келі) үндістандық Акашем Кумармен шеберлік байқасады. Ал Абылайхан Жүсіпов (67 келі) жапон Севонрец Окадзавамен қолғап түйістіреді.
Кешкі сессияда Сәкен Бибосынов (51 келі) таиландтық Танарат Саенгфетпен кездессе, Серік Теміржанов кубалық Освель Кабальеро Гарсиямен жекпе-жекке шығады.
Күндізгі сессия елорда уақытымен 18.00-де басталса, кешкісі 23.00-де болады. Жекпе-жектер «Qazsport»телеарнасынан тікелей эфирде көрсетіледі.
