Айдос Ербосынұлы даңқты жаттықтырушының залында дайындалып жатыр
326
Қазақстандық боксшы Айдос Ербосынұлы (15-0, 10 КО) келесі жекпе-жегіне Лос-Анджелесте (Калифорния, АҚШ) дайындалып жатыр.
Спортшы инстаграм елісіндегі парақшасында жаттығу сәтінен видео жариялады. Айдос АҚШ-та белгілі маман Джеймс «Бадди» МакГирттің жетекшілігімен жаттығу өткізеді.
Қорытынды спаррингтерді боксшы даңқты жаттықтырушы Фредди Роучтың залында өткізді.
«Әлемнің ең үздік бапкерінің бірі, Фредди Роучтың залында бүгін АҚШтағы осы жекпе-жекке дайындығымыздың, ақырғы спарингін өткіздік. Жалпы Лос Анджелес қаласындағы дайындық жұмыстары ойдағыдай өтті, әльхамдулиллаһ», - деп жазды боксшы.
Айдос Ербосынұлы мен Евгений Шведенко арасындағы жекпе-жек 17 сәуірде Карлсруэде (Германия) өтеді деп жоспарланған.
