Ақбота Керімбекова өнердегі әріптестеріне кеңес берді
Отандық танымал әнші Ақбота Керімбекова әртістердің қиын өмірі туралы жан сырымен бөлісті. Өнер иесі жұлдыздардың халық сынына бірінші болып ұшырайтынына ашынды .
Әнші Ақбота Керімбекова өзінің ішкі күйінішімен Instagram парақшасында жазып бөліскен. Эстрада жұлдызы әртістердің жиі сынға қалып жататынын айтып, бұл жайтқа қатысты өз пікірін қалдырды.
"Өнер адамының жөні бөлек, жолы ауыр келеді. Бұл тұжырымға қарап әртістер өз жүктерін өздері көтере алмай жүр екен демеңіз! Әр әнші өз мұңын өзі арқалап, ғанибетке үміт артып ғұмыр кешіп жүр, әйтеуір. Бірінші атылатын оқ әншіге тиеді, бірінші лақтырылатын тас әртіске тиеді. Олай болуына себеп те бар шығар! Жаны сірі, рухы өр әріптестерім бұған мүжілмеуі керек деп ойлаймын! Әркім өзінің кім екенін сезінуі, білуі керек тек" , - деп жазды Ақбота Керімбекова.
