Абай қолданған самаурын Ұлттық мұражайға табысталды
1 267
Ұлттық музей қорына ұлы ақынның қолданған заты – «Тула» самаурыны салтанатты түрде табысталды, - деп хабарлайды "Opennews.kz" ақпарат агенттігі.
Мәдениет және спорт министрлігінен мәлім еткендей, 1893 жылы жасалған, тарихи құндылығы жоғары жәдігер Абай атындағы халықаралық мәдениет пен өнерді қолдау қоры атынан беріліп отыр.
«Бұл – Семей қаласындағы меценат Бекбай Баисовтың керуен сарайында тұрған, Абай Құнанбайұлы бастаған қазақ зиялылары шай ішкен самаурын», - делінген министрлік мәліметінде.
