Димаш Құдайберген «Ағайынды Карич қоры» сыйлығын алды
Қазақстанның халық әртісі Димаш Құдайберген тағы бір мәрте халықаралық сыйлыққа ие болды, - деп хабарлайды "Opennews.kz" ақпарат агенттігі.
1979 жылы елдің ғылыми-технологиялық және шығармашылық әлеуетін қолдау және ілгерілету, жұртшылықты әлемдік мәдениеттің жетістіктерімен таныстыру институты ретінде құрылған қор 26-шы рет көрнекті шетелдік тұлғаларға сыйлықтар табыс етті.
Қордың Директорлар кеңесінің пікірінше, Димаштың айрықша вокалдық деректері, оның классикалық және заманауи стильде орындаудың әртүрлі нысандарын біріктірудің керемет қабілеті, көп жылдық жұмыс пен оқудың нәтижесі ретінде кез келген нотаны орындаудың бірегей мүмкіндіктері әртісті Қазақстан мәдениетінің жарқын өкілі, өз ісінің табысты маманы ретінде атап өтуге мүмкіндік береді.
Сербияның орталық мәдени шарасы Серб мәдениеті мен дәстүрін айқындайтын мәдени мұра нысаны – Белградтағы Ұлттық театрда өтті.
Ұлттық театрдың керемет сахнасында Димаш қазақтың халық әні "Самалтау" және Игорь Крутойдың "Mademoiselle Hyde" әнін шырқады.
