Қызылордада алғаш рет комедиялық оперетта сахналанды

3 желтоқсан 2024, 12:47

2 659

Қызылордада аймақ басшысының қолдауымен Әзірбайжан классигі Узейір Гаджыбековтың «Аршын мал алан» комедиялық опереттасы сахналанды, - деп хабарлайды "Opennews.kz" ақпарат агенттігі.

Көрерменге бұрыннан таныс болса да, Қызылордада алғаш рет сахналанған мюзиклде сол замандағы қоғамдағы теңсіздік, бай-кедей арасындағы таптық айырмашылық пен махаббат иірімдері сынды өзекті мәселелер комедиялық жанрда көрініс тапқан. Бауырлас елдің танымал шығармасында ең ұлы махаббат сезімінің материалдық құндылықтан биік екендігі насихатталып, тамашалауға келген жұртшылықтың ыстық ықыласына бөленді.

Бүкіләлемдік өркениет тарихында түркі әлемінің рухани мұрасына айналған музыкалық қойылымға Қарағанды академиялық музыкалық комедия театрының режиссері Евгения Пермякова режиссерлік етті.

Маған музыкалық опереттаға қоюшы режиссер болуға ұсыныс түскен сәтте қуана-қуана келісімімді бердім. Әрине, дайындық сәтінің өз қиыншылықтары болды. Өте қысқа уақытта осындай керемет туынды жасап шығу оңайға соқпады. Оперетта - вокал, би және актерлік шеберлік секілді үш өнердің біте қайнасуы. Осындай үлкен өнерді, сіздер үшін жаңа жанрды ойдағыдай алып шыққан жергілікті әртістерді бүгінгі премьерамен құттықтаймын, - дейді Евгения Михайловна.

Ал опереттаның кейіпкерлерінің бірі Жиханның рөлін сомдаған «Мәдениет қайраткері» төсбелгісінің иегері Үміт Медеуова шығармашылық топтың еңбегіне тоқталып өтті.

Махаббатқа толы, жылы, өте керемет туынды Сыр тұрғындары үшін үлкен жаңалық болып отыр. Әрине, біз үшін де. Барлық шығармашылық топ үлкен еңбек етті. Жақсы қойылым, жарқын эмоциялар сыйлау үшін жұмыс жасадық. Нәтижесін, бағасын халық өзі бере жатар. Көңілдеріңізден шығады деген сенімдемін, - дейді Үміт Еменқызы.

Оперетта облыстық симфония оркестрінің сүйемелдеуімен өтті. Кеш соңында өнер өкілдерінің құрметіне орай аймақ басшысының ықылас гүлі табысталды.

Қойылымның тұңғыш рет сахналануы қала өнеріне жаңа тыныс әкеліп, өнерсүйер қауымды қуантты. Творчестволық ұжым қойылымға үлкен дайындықпен келіп, музыкалық және актерлік өнердің барлық қырларын көрсете білді. Спектакльдің күлкілі және жеңіл мазмұны көрермендерге көңілді, әрі әсерлі болды.

Бұл бастама Қызылордада театр және музыкалық өнердің дамуына жаңа серпін беріп, болашақта да осындай маңызды мәдени жобалардың жалғасын табуына мүмкіндік туғызады.

Бұл жаңалық қала мәдениетінің дамуына үлкен үлес қосып, өнерсүйер қауым үшін маңызды оқиға болды. Оперетта – музыка мен театрдың бірлігін көрсететін жанр, ол өзінің жеңілдігі мен көңілділігімен ерекшеленеді. Қызылордада бұл жанрды алғаш рет сахналау қала тұрғындары мен қонақтарына ерекше әсер қалдырды.

Оперетта қойылымы жан-жақты дайындықты талап етеді, сондықтан шығармашылық ұжым спектакльді жоғары деңгейде көрсету үшін көп жұмыс істеді. Бұл қойылымның репертуары көрермендерді тек музыкалық өнермен ғана емес, сонымен қатар театрдың көркемдік мүмкіндіктерімен де таныстырды.

Комедиялық оперетта арқылы театр ұжымы Қызылорда халқының мәдени өміріне жаңа серпін беруді мақсат тұтты. Көрермендер бұл спектакльді қызығушылықпен тамашалап, өнердің ерекше түрін бағалай алды. Оперетта сахналанған соң, театр өнері мен мәдениетіне деген сұраныс артты, бұл болашақта жаңа қойылымдардың да көп болуына мүмкіндік береді.