RUB (+0.18) 8.21 KZT
USD (-1.87) 479.42 KZT
EUR (-6.40) 467.91 KZT
Мәдениет
25

ОБЛЫСТЫҚ «АНАЛАР ФОРУМЫ» АЛҒАШ РЕТ БАЙҚОҢЫР ҚАЛАСЫНДА

«Мәдениетті ана – мәдениетті ұлт» жобасы аясында Байқоңыр қаласында «Сыны мен сыры бөлек Сыр аналары» тақырыбында аналар форумы өткізілді,- деп хабарлайды Opennews.kz ақпарат агенттігі.

Форумның басты мақсаты – әйел ананың қоғамдағы орны мен рөлін күшейту, отбасылық және ұлттық құндылықтарды дәріптеудегі аналардың еңбегін айшықтау, әйелдердің қоғамдық белсенділігін арттыру болып табылады.

Қаламыздағы кәсіпкер аналардың өнімдері қойылған көрмемен басталған шара, «Аналар форумына» ұласты.
Маңызды мәселелер қозғалған жиынға Қызылорда облыстық Қазақстан Халқы Ассамблеясы жанындағы Аналар кеңесінің төрайымы Ахметова Рахима Қаржаубайқызы, облыстық маслихат депутаты, Аналар кеңесінің белсенді мүшесі Абибуллаева Аида Ибрагимқызы, ҚР Президентінің «Байқоңыр» кешеніндегі арнаулы өкілінің қызметін қамтамасыз ету басқармасының басшысы Мақұлбеков Нариман Әскербекұлы қатысып, қазақи тәрбие мен отбасы құндылықтары талқыға салынды.

Форумға жиналған жұртшылық отбасындағы ата-ананың орны мен бала тәрбиесі сынды бірқатар өзекті мәселелер қозғады.

Қаладағы белсенді кәсіпкер аналар марапатталып, шара концерттік бағдарламамен, қазақи нақыштағы сән көрмесімен жалғасын тапты.