Әлемдегі ең қымбат бейнебаянның тизері шықты
504
24 қыркүйекте Димаш Құдайбергеннің Алматыдағы тыңдармандармен фан-кездесуінде «Бір аспанның хикаясы» клипінің премьерасы өтеді, - деп хабарлайды Opennews.kz ақпарат агенттігі.
Бұл жайында әншінің Instagram парақшасынан белгілі болды.
«Димаш Құдайбергеннің 12 минуттық жұмысы планетамыздағы адамдардың тату тіршілігіне арналған. Біз нәсілге, ұлтқа, дінге бөлінеміз, бірақ бәріміз бір планетаның перзентіміз және бір аспан астында өмір сүріп жатырмыз. Өмір – ең жоғары құндылық. Ешқандай қасиетті кітап адам өлтіруге үндемейді. Біз дос болуды үйренуіміз керек, өйткені бір-екі ересек адамның кесірінен миллиондаған бала азап шекпеуі тиіс. Ғаламшарымыздың болашағы, адамзаттың болашағы өз қолымызда, әлемде тыныштық болсын. Біз бір үйдің, бір жердің, бір аспанның балаларымыз», - деп жазды Димаш Құдайберген әлеуметтік желіде.
