RUB (+0.18) 8.21 KZT
USD (-1.87) 479.42 KZT
EUR (-6.40) 467.91 KZT
Мәдениет
252

Елордада Әзербайжан Мәмбетовтің 90 жылдық мерейтойына арналған фестивалі өтеді

Астанада Әзербайжан Мәмбетовтің 90 жылдық мерейтойын атап өту мақсатында «TЕАТРALL» фестивалі өтеді,- деп хабарлайды Opennews.kz ақпарат агенттігі.

Бұл туралы елорда әкімдігінде өткен брифингіде Нұр-Сұлтан қалалық Мәдениет басқармасы басшысының орынбасары Нұран Камзин мәлімдеді.

«Фестиваль 22-30 қазан аралығында өтеді. Оны қала әкімдігі ұйымдастырады. Шараға республикалық және шетелдік театрлардан 14 спектакль іріктеледі. Спектакльдерді тәуелсіз сарапшылар анықтайтын болады. Бүгінгі күні театрдың электронды поштасына 25-тен астам өтінім келіп түсті. Оның ішінде еліміздің әр өңірі мен Өзбекстан, Қырғызстан, Ресей Федерациясынан және Түркі мемлекеттерінің халықаралық ұйымынан өтінімдер қабылданды. Спектакльдерге қойылатын басты талап – олар Әзербайжан Мәмбетовтің қойған пьесалары болуы тиіс», - деді Нұран Камзин.


Оның айтуынша, қазылар алқасының құрамына Қазақстан, Ресей және Қырғызстанның белгілі театр қайраткерлері енеді. Сонымен қатар фестивальге шетелдік белгілі өнер адамдары шақырылады.