Шағын бизнесті қолдау бойынша ұсыныс әзірлейтін жұмыс тобы құрылды

Әлихан Смайылов «Шағын және орта бизнесті қолдау бойынша ұсыныстар әзірлеу үшін жұмыс тобын құру туралы» өкімге қол қойды, - деп хабарлайды "Opennews.kz" ақпарат агенттігі.

«Шағын және орта бизнесті қолдаудың толыққанды шаралар кешенін әзірлеу бойынша ұсыныстар дайындау мақсатында:

1. Осы өкімнің қосымшасына сәйкес құрамда шағын және орта бизнесті қолдау бойынша ұсыныстар әзірлеу жөніндегі жұмыс тобы құрылсын.

2. Жұмыс тобы 2023 жылғы 1 тамызға дейінгі мерзімде шағын және орта бизнесті қолдау бойынша ұсыныстар әзірлесін және ҚР Үкіметіне енгізсін.

3. Осы өкімнің орындалуын бақылау ҚР Премьер-Министрінің орынбасары – Қаржы министріне жүктелсін», - делінген Үкімет басшысының өкімінде.

Құжатта көрсетілгендей, бұл жұмыс тобының құрамына мына лауазымдағы тұлғалар енді:

- ҚР Премьер-Министрі, жетекші;

- ҚР Премьер-Министрінің орынбасары – Қаржы министрі, жетекшінің орынбасары;

- ҚР Ұлттық экономика бірінші вице-министрі, хатшы;

- ҚР Премьер-Министрінің орынбасары – Сауда және интеграция министрі;

- ҚР Парламенті Мәжілісінің депутаттары (келісім бойынша);

- «Самұрық-Қазына» ұлттық әл-ауқат қоры» АҚ Басқарма төрағасы (келісім бойынша);

- ҚР Бәсекелестікті қорғау және дамыту агенттігінің төрағасы (келісім бойынша);

- ҚР Ақпарат және қоғамдық даму министрі;

- ҚР Ауыл шаруашылығы министрі;

- ҚР Әділет министрі;

- ҚР Денсаулық сақтау министрі;

- ҚР Еңбек және халықты әлеуметтік қорғау министрі;

- ҚР Индустрия және инфрақұрылымдық даму министрі;

- ҚР Мәдениет және спорт министрі;

- ҚР Цифрлық даму, инновациялар және аэроғарыш өнеркәсібі министрі;

- ҚР Экология және табиғи ресурстар министрі;

- ҚР Энергетика министрі;

- ҚР Қаржы нарығын реттеу және дамыту агенттігі төрағасының орынбасары (келісім бойынша);

- ҚР Стратегиялық жоспарлау және реформалар агенттігі төрағасының орынбасары (келісім бойынша);

- ҚР Сыртқы істер министрінің орынбасары;

- «Бәйтерек» ұлттық басқарушы холдингі» АҚ Басқарма төрағасы (келісім бойынша);

- «Астана» халықаралық қаржы орталығының басқарушы (келісім бойынша);

- «Атамекен» Ұлттық кәсіпкерлер палатасы төрағасы (келісім бойынша);

- «Өңдеу өнеркәсібі одағы» заңды тұлғалар бірлестігінің Басқарма төрағасы (келісім бойынша);

- «Қазақстан фермерлерінің қауымдастығы» заңды тұлғалардың және жеке кәсіпкерлер қауымдастық нысандағы бірлестігі Басқарма төрағаның бірінші орынбасары (келісім бойынша).

Еске салайық, былтыр 26 қарашада өткен салтанатты ұлықтау рәсімінде Президент Қасым-Жомарт Тоқаев шағын және орта бизнестің дамуына кедергі келтіретіндердің бәрі қатаң жауапқа тартылатынын мәлімдеген еді.

Сонымен қатар, Президент Үкіметке шағын және орта бизнесті қолдау мен дамыту бойынша шаралар қабылдауды тапсырды.