Елімізде қант өндірісін дамытуға Қытай кәсіпкерлері шақырылды
Соңғы бес жылда Қазақстаннан Қытайға экспортталған майлы дақылдар көлемі 3.5 есе, өсімді майы 2 есе артқан, - деп хабарлайды "Opennews.kz" ақпарат агенттігі.
Сианьда өтіп жатқан инвестициялық дөңгелек үстелде президент Қазақстан әлемде бидай өндіретін ең ірі 10 елдің бірі екенін атап өтті. Қазақстан жылына 5.5 млн тоннаға жуық астық пен 1,5 тоннаға жуық ұн экспорттайды. Алдағы уақытта Қытайға 1 млн тонна бидай жеткізуді көздеп отыр.
"Кәсіпкерлеріміз Қытайға сиыр, қой, шошқа, тауық етін жөнелте алады", - деді ол.
Президент алдағы уақытта Қазақстан қантпен өзін толық қамтамасыз етуді жоспарлайтынын атап өтті.
"Сол үшін кешенді жоспар өз қабылданды. Сіздерді Қазақстанда қант өндірісін дамытуға белсенді атсалысуға шақырамын", - деді мемлекет басшысы.
