Доллар айтарлықтай арзандады
Қазақстан қор биржасы (KASE) 15:30-дағы жағдай бойынша доллардың орташа сараланған бағамы 2,43 теңгеге төмендеп, 446,03 теңгені құрады, - деп хабарлайды "Opennews.kz" ақпарат агенттігі.
Қытай юанінің орташа сараланған бағамы да 62,20 теңгеге (-0,15) дейін төмендеді.
Ұлттық банк еуроның бағамын 488,76 теңге, рубльді 5,11 теңге деп бекітті.
Ақша айырбастау орындарында доллар 446,1-447,9 теңгеге, еуро 484-487,5 теңгеге, ресей рублі 4,99-5,09 теңгеге сатылуда.
Ал 23 қаңтардағы аукционда әлемдік бағалар көтеріліп жатыр.
Осылайша, ICE Futures электрондық саудасында наурыздағы Brent фьючерстерінің құны 0,29%-ға өсіп, барреліне $80,29-ға дейін өсті.
NYMEX электрондық саудасында WTI маркалы мұнайдың наурыздағы фьючерстері 0,29%-ға өсіп, барреліне 74,98 долларды құрады.
