Қаз
Рус
«Даму» Қоры цифрлық теңгемен алғашқы несие берді
2 542
«Даму» кәсіпкерлікті дамыту қоры Ұлттық банк қолдауымен «Өрлеу» бағдарламасы аясында цифрлық теңгемен берілген алғашқы жеңілдетілген несиені рәсімдеді. Несие Halyk Bank арқылы жылына 12,6% мөлшерлемемен ұсынылды,-деп хабарлайды Opennews.kz ақпарат агенттігі.
Алғашқы несие алушы — павлодарлық кәсіпкер Виталий Кремберг. Ол үй жануарларына арналған гигиеналық түйіршік өндіретін кәсіпорын салмақ. Жобаға 250 млн теңге бөлінді, мерзімі — 7 жыл.
Цифрлық теңге несиесінің басты артықшылықтары — онлайн рәсімдеу, қаражаттың тез түсуі, салық тексерістерінің болмауы және ҚҚС қайтару мерзімінің қысқаруы.
Бағдарламаға қатысу Halyk Bank, ЦентрКредит, ForteBank, Bereke Bank, Еуразиялық банк, Freedom Bank, Nurbank, RBK Bank және KZI Bank арқылы мүмкін.
