Президент Ұлттық банк төрағасы Тимур Сүлейменовті қабылдады

Мемлекет басшысы Қасым-Жомарт Тоқаев Ұлттық банк төрағасы Тимур Сүлейменовті қабылдап, экономика мен қаржы жүйесінің жай-күйі, ақша-несие саясатының негізгі бағыттары және 2026 жылға арналған жоспарлар туралы есеп тыңдады,-деп хабарлайды Opennews.kz ақпарат агенттігі.

Кездесу барысында бағаны тұрақтандыру шаралары, инфляция деңгейін орташа 5 пайыз шамасында ұстау, қаржы нарығы мен цифрлық трансформация саласындағы жобалар талқыланды. Президент Ұлттық банкке инфляцияны төмендетуге және қаржы секторының тұрақтылығын қамтамасыз етуге қатысты бірқатар тапсырма берді.