2026 жылы тыныштықты бұзғаны үшін салынатын айыппұл көлемі қандай?

2026 жылы тыныштық бұзғаны үшін айыппұл көлемі айлық есептік көрсеткішке (АЕК) байланысты анықталады. Келер жылдан бастап АЕК 4 325 теңге болады,-деп хабарлайды Opennews.kz ақпарат агенттігі.

Тыныштықты бұзуға тыйым салынатын уақыт:

Жұмыс күндері – 22:00-ден 09:00-ге дейін;

Демалыс және мереке күндері – 23:00-ден 10:00-ге дейін.

Айыппұл мөлшері:

Алғаш рет бұзған жағдайда – 5 АЕК, яғни 21 625 теңге;

Қайталанған жағдайда – 10 АЕК, яғни 43 250 теңге.

Бизнес субъектілері үшін жазалар қатаң, айыппұл жоғары болуы мүмкін, тіпті қызметін уақытша тоқтату қарастырылған.

Көршілердің шуына шағымдану тәртібі:

Шу дерегін тіркеу (аудио немесе бейнежазба);

102 нөмірі арқылы полиция шақыру;

Учаскелік инспекторға жүгіну.

Жалдамалы пәтерде туындаған шуға жауапкершілік тек жалға алушыларға ғана емес, пәтер иелеріне де жүктеледі.

Кәмелетке толмағандардың шуына қатысты:

Түнгі айқай, жүгіріс, ойындар да тыныштықты бұзу болып саналады;

Алғашқы шағым кезінде полиция көбіне профилактикалық әңгімемен шектеледі;

Қайталанған жағдайда айыппұл ата-аналарға немесе заңды өкілдерге салынады.

Сонымен қатар, рұқсат етілмеген жерлерде салют атқаны үшін 20 АЕК, яғни 86 500 теңге, ал түнгі уақытта атылған жағдайда 5 АЕК айыппұл (21 625 теңге) қарастырылған.