Ұлттық банк төрағасы инфляция деңгейі төмендейтінін айтты

Ерболат Досаев Ұлттық банк баға тұрақтылығын қамтамасыз етуге бағытталған саясатты жалғастырады деп айтты- деп хабарлайды Opennews.kz ақпарат агенттігі.

«Ұлттық банк экономикадағы сұраныстың өсуіне жауап ретінде дезинфляциялық ақша-кредит саясатын жүргізу аясында шілдеде және қыркүйекте базалық ставканы 9%-дан 9,5%-ға дейін екі рет көтерді. Сұраныс тарапынан инфляцияға қарсы қысым биылғы 8 айда тұтыну тауарлары импортының 24%-ға өсуімен расталады. Осы жағдайларда Ұлттық банк баға тұрақтылығын қамтамасыз етуге бағытталған саясатты жалғастырады», - деді Е. Досаев мәжілістің жалпы отырысында.

Оның айтуынша, Үкіметтің және әкімдіктердің Инфляцияға қарсы ден қою шараларының кешенін тиімді іске асыруы биылғы инфляцияны тежеуге және Мемлекет басшысының тапсырмасы бойынша 2022 жылы 4-6% нысаналы дәлізіне кіруге мүмкіндік береді.

2022-2026 жылдарға арналған әлеуметтік-экономикалық даму болжамына сәйкес, инфляцияның бұдан кейін төмендеуі және 2023-2024 жылдары 4-5% және 2025-2026 жылдары 3-4% деңгейінде тұрақтануы болады.



.