Қаз
Рус
Сатылымда доллар жоқ. Елде биржалық валюта саудасы тоқтауы мүмкін
308
Ұлттық Банк "Қазақстан қор биржасымен" (KASE) бірлесіп биржалық валюта саудасын толық тоқтатуы мүмкін,- деп хабарлайды Opennews.kz ақпарат агенттігі Экспресс К сайтына сілтеме жасап.
Қазірдің өзінде ақша айырбастау пункттерінде доллар мүлде сатылымда жоқ.
"Қазақстан қор биржасының" (KASE) Кurs.kz сайтындағы мәліметіне сүйенсек, еліміздің басым бөлігінде ақша айырбастау нүктелеріндегі валюта жәшігі бос тұр.
Ұлттық банк сайтында "Қазақстан қор биржасымен" бірлескен мәлімдеме жарияланды. Онда Нұр-Сұлтан уақыты бойынша сағат 15-00-ге дейін биржалық валюталық сауда-саттықты толық тоқтата тұру мәселесі жазылған.
"Ұлттық Банк "Қазақстан қор биржасы" АҚ-пен бірлесіп теңге — АҚШ доллары валюта жұбы бойынша сауда-саттық регламентін өзгерту туралы шешім қабылдады.Бұл шаралар уақытша сипатқа ие, белгісіздіктің жоғары дәрежесін және сыртқы геосаяси факторлар тарапынан валюта нарығына және ел ішіндегі қаржылық тұрақтылыққа көрсетілетін қысымды барынша азайту қажеттілігін көрсетеді. Сонымен қатар, сыртқы қаржы нарықтарындағы қазіргі сәттегі аса айқындалмаған жағдайлардың өзгеруіне қарай Ұлттық Банк "Қазақстан қор биржасы" АҚ-пен бірлесіп 28 ақпанда Нұр-Сұлтан уақыты бойынша сағат 15-00-ге дейін биржалық валюталық сауда-саттықты толық тоқтата тұру туралы мәселені қарауы мүмкін", — делінген ақпаратта.
