Қазақстанның бірнеше өңірінде мектеп оқушылары онлайн оқу форматына ауыстырылды
471
Бүгіннен бастап ауа-райының күрт сууына байланысты елдегі бірнеше өңірдегі мектептер қашықтан білім беруге көшті, - деп хабарлайды "Opennews.kz" ақпарат агенттігі.ТЖМ мәліметінше, Қарағандыда аяздың қатты болуына байланысты бірінші ауысымдағы 0-9 сынып оқушылары үйден оқитын болады. Дәл осындай жағдай Қостанай облысындағы Амангелді және Жангелді аудандарындағы мектептерге енгізілген.
Сондай-ақ, Арқалық қаласындағы бірінші ауысымдағы 1-11 сынып оқушыларының сабақтары қашықтан оқытуға көшірілді. Шығыс Қазақстан облысындағы бірқатар елдімекендердегі мектептер де ауа-райының күрт сууына байланысты уақытша онлайн форматқа ауыстырылды.
Тек Аягөз, Ақсуат, Көкпекті, Үржар аудандарында сабақ қалыпты жағдайда өтіп жатыр.
