Қазақстанда Назарбаев атындағы мемлекеттік стипендиясының атауы өзгертілді
385
Үкімет тұңғыш президент Нұрсұлтан Назарбаев атындағы мәдениет саласындағы мемлекеттік стипендияның атауын өзгертті, деп хабарлайды "Opennews.kz" ақпарат агенттігі.
Тиісті қаулы республиканың нормативтік құқықтық актілер порталында орналастырылған. Жарлыққа сәйкес, жаңа атау "Мәдениет саласындағы мемлекеттік стипендия" деп аталады.
Стипендия құрметті атақтар мен мемлекеттік наградалармен марапатталған шығармашылық және мәдениет қызметкерлеріне, сондай-ақ ерекше дарынды жас шығармашылық қызметкерлерге мемлекеттік қолдау көрсету үшін жыл сайын тағайындалады.
