Еліміздегі колледждер онлайн оқуға көшпек

Депутаттар еліміздегі колледждерді онлайн оқуға көшірмек, - деп хабарлайды "Opennews.kz" ақпарат агенттігі.

Мәжіліс "Қазақстанның кейбір заңнамалық актілеріне білім беру және баланың құқықтарын қорғау мәселелері бойынша өзгерістер мен толықтырулар енгізу туралы" заң жобасын жұмысқа алды.

Әлеуметтік-мәдени даму комитетінің төрағасы Асхат Аймағамбетов аталған заң жобасының түпкілікті мақсатын түсіндіріп берді. Заң жобасын оқу-ағарту министрлігі дайындаған.

Асхат Аймағамбетов комитеттің тиісті қорытындыны әзірлеуге дайын екенін жеткізді.

Мәжіліс депутаттары ұсынылған мәселеге қатысты қаулыға дауыс беріп, оң нәтиже шығарды. Қатысып отырған 91 депутаттың барлығы жақтап, дауыс берді.